Опис на компанијата

Структурата на компанијата, историјата и клучните настани кои ја оформија денешната DHL.

DHL е дел од светската водечка логистичка групација, Deutsche Post DHL

DHL нуди интегрирани услуги и решенија кои се направени според потребите на клиентите за раководење и транспортирање на писма, стоки и информации.

DHL: четири сектори-еден заштитен знак-еден добавувач-сите Ваши решенија

DHL се состои од четири сектори. Овие сегменти работат под контрола на нивните одделни штабови. Корпоративниот центар ги врши функциите на ниво на раководење со Групацијата.

Ги централизиравме внатрешните служби кои ја опслужуваат целата Групација, вклучувајќи ги финансиското работење, ИТ и набавките. Ова консолидирање ни овозможува да ја зголемиме флексибилноста, да го подобриме квалитетот на услугите, да ги зголемиме придобивките од економијата од големина и истовремено да ги контролираме трошоците.

Main Headline

Основанa во Сан Францискo пред повеќе од 40 години од трoјца млaди претприемaчи – Aдриaн Дaлси, Лaри Хилблoм и Рoбeрт Лин – DHL продолжува да сe проширува со феноменалнa брзина. Денес зазема врвно место како глобален лидер на пазарот за меѓународната шпедитерска и логистичка индустрија.

Во 1969 година, DHL го презема првиот мал чекор кон градење на иднината со лично испраќање на документи по авион од Сан Франциско до Хонолулу. Со текот на времето, мрежата на DHL растеше, постепено допирајќи до нови клиенти во секој дел на светот. Истовремено, пазарот се разви и се усложни, според кој компанијата се прилагоди за да ги задоволи менливите потреби на клиентите, како на глобално така и на локално ниво.

Денес, меѓународната мрежа на DHL поврзува повеќе од 220 земји и територии во светот. Исто така, DHL нуди врвна стручност во експресниот, воздушниот, океанскиот транспорт, копнениот транспорт, решенија за договорна логистика како и за меѓународни поштенски услуги.

Од 1969 година до денес, приодот и посветеноста на DHL останаа непроменети. Нашиот успех отсекогаш се должел на давањето на извонредни услуги на нашите клиенти. Постојано стремејќи се кон подобрување, DHL стана препознатлив бренд за лична обврзаност, проактивни решенија и локална сила. Во срцето на успехот на DHL се нашите вработени кои добро познавајќи ги потребите на клиентите им пружаат идивидуално прилагодени решенија.

DHL е бренд на Deutsche Post DHL. Во 2010 година Групацијата оствари приход од 51 милијарди евра.

Чекори кон успехот

1969

DHL е основана од страна на Adrian Dalsey, Larry Hillblom и Robert Lynn во Сан Франциско.

1971

DHL брзо ја проширува Express мрежата и станува сигурен партнер на многу компании. Проширување на Далечниот Исток и појасот на Тихиот Океан.

1972

Промовирање на услуги во Јапонија, Хонг Конг, Сингапур и Австралија.

1974

Во Лондон е отворена првата канцеларија во Велика Британија. На глобално ниво DHL сега има 3,052 клиенти и 314 вработени.

1976-1978
Проширување во три големи региони со отварање на DHL во Средниот Исток, Латинска Америка и Африка.

1977

Во Франкфурт е отворена првата канцеларија на DHL во Германија.

1979

DHL ги проширува услугите со испорака на пакети. До сега беа достапни само услугите за документи

1983

DHL е првиот експресен воздушен шпедитер кој ги опслужува земјите во Источна Европа. Меѓународен дистрибутивен центар (hub) е отворен во Синсинати, САД.

1985

Во Брисел е отворен најмодерен дистрибутивен центар. Повеќе од 165,000 пратки се сортираат во центарот секоја вечер.

1986

DHL влегува во заедничка инвестиција со Народна Република Кина и станува првата компанија во експресната индустрија во Кина.

1990

DHL влегува во стратешко партнерство со Lufthansa, Japan Airlines и Nissho Iwai.

1991

DHL станува првата меѓународна експресна компанија која повторно нуди услуги во Кувајт после војната во Заливот.

1993

DHL инвестира 60 милиони долари во нов диструбутивен центар во Бахреин.

1998

Deutsche Post станува акционер во DHL.
Голем ИТ центар отворен во Куала Лумпур.

1999

DHL Worldwide Express инвестира преку 1 милијарда евра во нова најмодерна флота за воздушен карго во рамките на европската и афричката мрежа.
Купени се 34 нови Boeing 757SF карго авиони: овие авиони при полетување создаваат 77% помалку бучава и 13% помалку СО2 во споредба со флотата од B737Fs авионите кои ги заменија.

2002

Од 1-ви јануари Deutsche Post World Net станува главен акционер во DHL, а до крајот на годината станува 100 процентен акционер.
Проширување на мрежата во Азија: во октомври, DHL влегува во заедничка инвестиција со Cathay Pacific за експресна воздушна испорака на карго.
Нов глобален ИТ центар е отворен во Скотсдејл, САД.

2003

DHL го зголемува својот дел во Sinotrans на 5 проценти и станува негов најголем стратешки инвеститор.
Deutsche Post, DHL и Postbank ја сочинуваат актуелната структурата на брендови во Групацијата. DHL сега служи како ексклузивен бренд за сите експресни и логистички активности.
DHL ги менува корпоративните бои од црвено и бело во жолто и црвено. Во април започнува промената на изгледот на сите возила, материјали за пакување и згради.
По купувањето на Airborne Express (и приход во 2002 од 3,3 милијарди долари), DHL станува третиот најголем добавувач на експресни услуги во САД. Со копнената транспортна мрежа на Airborne, DHL ја комплетира својата мрежа во Америка и САД.
Во октомври почнува петтогодишната инвестициона програма во Кина: DHL значително ќе ги прошири своите капацитети преку инвестиција од 200 милиони долари.

2004

Новиот глобален ИТ центар се отвара во Прага, Република Чешка. Овој центар го заменува постоечкиот во Лондон.
DHL станува бренд за сите меѓународни поштенски услуги на Deutsche Post. Околу 4,000 вработени низ светот работат за DHL Global Mail.
Купување на 68 проценти од Blue Dart, главната домашна курирска служба и компанија за интегрирана воздушно-експресна дистрибуција на пакети во Индија.

2004/2005

Веднаш по цунамито во Јужна Азија, со повеќе од 40-те канцеларии низ погодениот регион, DHL инстантно одговара на барањата од владините и хуманитарните организации. Групацијата помага со бесплатни чартер летови за испорака на хуманитарни залихи, копнен транспорт како и парични донации. Вработените на DHL низ светот почнуваат кампањи за донации.
Се основаат DHL тимови за помош при несреќи (DRT), кои ги поддржуваат активностите за помош при несреќи на Обединетите нации и меѓународната заедница, при санирање на последиците од големи ненадејни природни катастрофи.

2005

Од август DHL ја воведува новата корпоративна униформа. Во текот на следните девет месеци на 110,000 вработени во повеќе од 200 земји и територии треба да им бидат обезбедени униформи. При тоа, DHL ќе испорача повеќе од 1,4 милиони парчиња облека. Дизајнот на униформите бил тестиран преку интервјуа и бројни проби со 3,600 возачи и курири.
Во декемви, Deutsche Post World Net ја купува Excel, британската логистичка корпорација за 5,5 милијарди евра. Околу 111,000 вработени работат за Excel во 135 земји. Excel примарно нуди транспортни и логистички решенија за големите клиенти. Компанијата ја завршува првата половина од 2005 година со 55 процентно зголемен профит од 172 милиони фунти (251 милиони евра).

2007

Отворен е новиот иновативен центар на DHL. Мисијата на овој најмодерен центар за истражување и развој е да се развијат нови, високо иновативни комерцијални продукти кои се во согласност со идните логистички трендови. Проектите се реализираат преку деловни партнерства за иновации и партнерства за истражување.

2008

DHL го отвори својот нов најмодерен европски аеродромски дистрибутивен центар на аеродромот во Лајбциг/Хале во Германија. Центарот, кој претставува едно од најголемите градилишта во Европа, ја проширува меѓународната мрежа на DHL, овозможува поголема поврзаност со глобалните пазари во раст и ѝ овозможува на компанијата да ја подобри услугата на клиенти.

2009

Групацијата ја претставува Стратегијата 2015 и се преименува во Deutsche Post DHL.
Визијата на Стратегијата 2015 е DHL да стане "логистичка компанија за светот" со помош на почитување и резултати, со поедноставување на животите на клиентите и со позитивно придонесување во светот.
Формирана е новата организациска единица наречена 'DHL Solutions & Innovation' ('DHL Решeнија & Иновации') како двигател на иновативните логистички решенија.

Интерактивна историја на Deutsche Post DHL

Бидете дел од интерактивното патување низ времето. Почуствувајте ги историските моменти кои го направија Deutsche Post DHL да стане една светска водечка логистичка група.
Интерактивна историја на Deutsche Post DHL: Повеќе за нашата историја