Дополнителни услуги - Зголемени опции за испраќање

Дополнително на стандардните одговорности на DHL Express, ние овозможуваме финансиска заштита на нашите клиенти од сите ризици на физичка загуба или оштетување на пратката, од било која надворешна причина.

Осигурување на пратката

Преглед

Осигурување на пратката може да се обезбеди и за експресните документи и за пакетите, иако се можни одредени ограничувања и исклучоци. Сето ова зависи од дестинацијата и содржината на пратката.

Осигурување на ДХЛ пратките обезбедено од АИГ е во согласност со општите барања за загубени и оштетени добра кои транзитираат. Осигурувањето е ефективно од моментот кога ДХЛ има контрола и ја поседува пратката се до моментот на нејзината достава. Надоместокот се однесува на физичка загуба или оштетена пратка, која спаѓа во специфични ограничувања и исклучоци.

Ограничувања и исклучоци

Осигурувањето се однесува на предмети кои транзитираат низ ДХЛ мрежата ширум светот, одредени ограничувања се можни од време на време како последица на политички, терористички, нуклеарни или воени ризици или по препорака од официјални владини претставници. Осигурувањето не се однесува на следното:

• Доцнење
• вообичаено истекување
• загуба во тежината или волуменот или абење на пратката;
• lзагуба, штета или трошок настанати од недоволно или несоодветно пакување или подготовка на пратката;
• lзагуба, штета или трошок предизвикани од постоечка грешка на пратката или од самата природа на пратката;
• загуба, штета или трошок настанати поради несоодветно ракување со пратката од страна на клиентот или неговите агенти;
• загуби, штети или трошоци предизвикани од доцнење;
• загуби, штети и трошоци предизвикани од употреба на атомско или нуклеарно оружје или радиоактивност.

Основа за надомест на Загуба

• Надоместот е лимитиран во зависност од вредноста декларирана од Ваша страна, трошоците за замена, вредноста на фактурата или од реалната вредност, односно онаа која е најниска. Доказ може да биде побаран за да се поткрепи декларираната вредност во случај на рекламација/жалба
• Во случај на целосна загуба на пратката, со Осигурувањето, исто така ќе бидете назначени за рефундирање на трошоците за транспорт. Во случај на делумна загуба ќе бидете назначени за рефундирање на соодветен дел од трошоците за транспорт.
• Кога повеќе од една пратка покриена со Осигурувањето е предмет на загуба или оштетување настаната од една ситуација, максималниот вкупен износ за исплата за сите такви пратки е лимитиран на 10 милиони евра.

Како да направите рекламација?

Доколку сакате да направите рекламација, што побргу треба да го известите ДХЛ Експрес- Службата за односи со корисници, не подоцна од 30 дена од извршената или закажаната испорака.

ДХЛ Експрес на своите клиенти им нуди стандардни ДХЛ- брендирани пакувања кои не се наплаќаат: пликоа, мали кутии и флаери.

Асортиман на страндардни DHL –брендирани пакувања кои се плаќаат се исто така достапни за нашите клиенти, како на пример големи кутии или триаголни цевки, идеални за испраќање на потешки стоки.

DHL Express нуди и асортиман на индустирски пакувања за специјализираните потреби на клиентите, како на пример пакување со контрола на температурата за испраќање на диагностички примероци. До колку е побарано, набавка на сув мраз исто така е достапен во повеќето земји

Дали сте сезонски или нередовен испраќач? До колку е така, ние нудиме погодна и по-барање услуга за одреден број на пратки кои имаат потреба од дополнителни краткотрајни ресурси за нивната подготовка. DHL Express го управува процесот на подготовка на товарниот лист, изборот на содржината, еткетирањето и документацијата, и потоа ги испраќа пакетите на дадените адреси.

DHL Express има услуги кои можат да ги задоволат сите форми и големини. Кога вашата пратка е со прекумерна тежина, и е надвор од прифатените димензии, или бара специјално наменето ракување поради нејзините димензии, ве молиме контактирајте со локалната канцеларија на DHL Express за да добиете совет.

За испраќање на експресни пратки, DHL Express е сертифициран за одредени катергории на опасни материи во согласност со IATA регулативите.

Прочитајте повеќе за опасните материи

Немате доволно време во текот на работниот ден? DHL Express нуди голем број на опции за превземање и испорака кога работниот ден едноставно не е доволно долг. Дали е надвор од вообичаените работни часа, преку викенд, државен празник, превземање од или испорака до далечна адреса, вашата локална канцеларија на на DHL Express ќе може да ви најде решение.

Кога имате потреба од дополнителен спокој дека вашата пратка е испорачана, DHL Express може да ви овозможи проактивна потврда преку факс, email, телефон или со СМС текст порака, кое и да ви е повеќе погодно за вас.

DHL Express може да организира добивање на потпис на примателот на hard copy (траен запис) со што ќе ја потврди испораката на пратката. Доказот за испораката се праќа преку факс или email назад до испраќачот и е идеална опција за клиентите без интернет пристап.

Кога примателот не е на адресата дадена на товарниот лист, ние ќе организираме обиди за повторување на испораката се додека пратката не е успешно доставена.

До колку имате потреба да испратите пакет до далечна адреса било каде во светот, DHL Express ќе ви излезе во пресрет. Благодарение на нашата пространа мрежа, ние можеме да ви помогнеме да ги досегнете клиентите и добавувачите дури и во рурални или непристапни локации.

Некогаш многу полесно е да може вашиот клиент да ги превземе пратките од објектот на DHL Express, одколку да се повторува испораката на несигурна адреса. Едноставно побарајте ја опцијата кога ќе вршите резервирање или превземање на пратката и нашиот персонал за Грижа на корисници на дестинацијата ќе го извести примателот кога пратката ќе биде спремна за превземање.

До колку имате DHL пратка која не може да биде доставена до вашиот клиент од непознати причини, DHL Express може да огранизира пратката да се задржи бесплатно до 7 календарски денови.

DHL Express нуди на своите клиенти флексибилно плаќање и опции за фактурирање за транспортните трошоци на пратката, царината и даноците.Оваа флексибилност дава слобода во фактурирањето на испраќачот, примателот или трета страна.

• Import Express
  Сметка за фактурирање во Import Express ви овозможува да ги контролирате сите увозни пратки преку еден број на сметка, покажувајќи ги сите пратки на една единствена фактура.
  Прочитајте повеќе за нашите увозни услуги
• Платени царина и даноци
  Оваа услуга овозможува царината и даноците да бидат наплатени од испраќачот или назначена трета страна. Ние ќе ја цариниме пратката на дестинацијата, ќе ги платиме царинските трошоци и ќе ги фактурираме царината и даноците на сметката која е назначена на товарниот лист. Ова му овозможува на испраќачот да ги продаде стоките по цена која ги вклучува севкупните трошоци. DHL Express понатаму ќе му фактурира на испраќачот за администрирањето на оваа услуга како и за царините и даноците настанати на дестинацијата.
• Неутрална испорака
  Неутралната испорака му овозможува на испраќачот да прати пратка која е подложна на царина на примателот, со фактурирани царина и даноци на трета стана или на запишан увозник. За да ја одржат доверливоста на испраќачот, на документацијата на пратката не е откриена вредноста на стоките до примателот.