Водич за DHL Експресни Царински пратки во Ки

Секој увозник и извозник во Кина, задолжително е да се регистрира кај Царинските власти за увозна или извозна царинска регистарска шифра (CR Code), или да соработува со посредник кој поседува CR Code и е овластен да биде извозник или увозник на хартија, за нивната стока. Царинската регистарска шифра (CR Code), мора да биде назначена на царинската декларација на секоја пратка, со исклучок на пратки документи и лични работи.
Ве молиме да ја пренесете ургентноста на овие побарувања (како за шифрите од хармонизираниот систем- HS Codes, така и за царинските регистарски шифри - CR Codes), на Вашите бизнис партнери во Кина, за да се избегне можното задржување на увозно/извозните пратки од страна на Царинските власти, додека оваа информација не стане полесно достапна.

За сите пратки, со исклучок на документите, кои се извезуваат од/ увезуваат во Кина, на царинската декларација треба да се назначи шифра од хармонизираниот систем .(HS Code). Ваквото обележување со HS Code заедно со прецизниот и детален опис на содржината на пратката во нејзината пропратна документација, ќе помогне при забрзување на HS класифицирањето како и при процесот на царинење на пратката.

Мостри и промотивни материјали со вредност која не надминува 400 јени (приближно 71американски долари) во моментов не се предмет на царинска процедура. Овој праг на вредност за неоданочување нема повеќе да се применува. Новиот праг на вредност ќе се базира на вредноста на царината и данокот определени со тарифниот код. Секоја пратка со вредност на царина и данок под 50 јени (приближно 7американски долари) нема да биде предмет на царинска процедура.

Пратките кои содржат предмети наменети за лична употреба се ограничени на багаж без придружба или на стока/подарок испратени до физичко лице во разумна количина за лична употреба.

• Вредносен праг: Помалку од CNY 1,000(USD 153)
• Доколку пратката содржи само една ставка, сеуште може да се царини како предмет наменет за лична употреба дури и ако вредноста е над CNY 1,000 (USD 153). Сепак, царина го задржува правото да го одобри увозот или да го врати назад на испраќачот во земјата од каде е испратена пратката.
• Потребна документација за царинење:
  - За багаж без придружба потребно е: пасош со валидна виза и печат за влез/излез од имиграционо; формулар за спецификација на содржината на багажот со печат од гранична Царина со листа на артиклите
  - За стоки/подарок испратени на физичко лице потребно е: Копија од лична карта на примачот, детална Листа на стоки/подарок и Профактура